雨水冲去地上的粉筆字，浸透昃臣像手中的黑布旗，化開了一張又一張舊報紙。鐵馬躲在立法會的走廊上避雨，孩子赤着腳繼續寫字濕透了身，「港人治港、高度自治」化作七色的石灰水，等待議會內的「大人」決定他們的命運。6.23抗爭，是快樂，也蒼凉。
「唔係妥協，係屈就」
網友KelvinSit得到廠家支持，以低廉價錢買入300支vuvuzela，未到5時已售罄，每支底價10元，隨緣樂助，有中年人一擲千元。
Kelvin說，籌得的錢將用作日後監察民建聯的行動，同時資助狙擊民建聯贊助的商台節目《十八仝人愛落區》，下月會推出網域ihateDAB.com，歡迎巿民申請電郵信箱。
半工讀的Janis昨天請假到新青年攤位售賣V-mask，「我覺得家唔係一個妥協，而係一個屈就，好無稽。我覺得香港人唔應該為咗保住份工就唔理政制發展，家民主係倒退，係向後行緊。」
有穿黑衣的青年蒙着眼把黑旗放到皇后像廣場上的昃臣像手中，他說黑色旗一般代表無政府主義，「對政府同議會嘅架構不能相信，人民不能自治。」警方及食環署事後派員了解情況，但未有搶走黑旗。
現職農夫的June大學時讀政治及行政，認為同時增加直選及功能組別議席沒有意義，「呢個區議會功能組別嘅基數仍然係好細，希望盡快取消，我希望香港人唔好因為咁失望，反而要藉呢個機會認清邊啲代理人唔可信，要靠自己嘅力量爭取普選。」本報記者
集會者心聲
－坐輪椅的傷殘人士 伍小姐－
「我覺得現在香港嘅民主政制，已經瀕臨崩潰邊緣。所以就算自己係傷殘，都要忍住病痛嚟立會」
－中四學生 李同學－
「新方案仍然係漠視巿民需要，政府話我哋反對係令政制停滯不前，其實佢冇真正聽我哋嘅訴求」
－網民 Kelvin－
「家心情好沉重，如果仲唔出嚟抗爭，政府就會河蟹我哋，爭民主係好重要，唔好淨係靠政黨幾個議員」
