花旗股市周二晚顯著下跌，港股前日已轉淡，市場估計噚日港股會面對較大壓力，不過實際情況唔係咁，港股跌咗百零點之後好快就企穩，最後仲倒升37點收市，充份反映港股嘅強勢。
滙控（005）同中移動（941）兩隻重磅股都有勢，兩隻股份繼續推上，恒指應該可以一舉破關，成交亦會再大增。
聯通C輪21664：聯通（762）噚日收10.36元，升0.38%。股價喺250日線樓下徘徊咗好耐，禮拜一大成交突破，家造旗，揸耐少少睇12.50元，可以諗吓隻C輪21664。隻輪現價19.7仙，2010年11月29日到期，行使價9元，溢價5.9%，引伸波幅45.2%，有效槓桿率3.9倍，正股升上12.50元，21664睇37.4仙，正股跌穿9.70元就沽咗隻輪。
俊樺