何韻詩噚日喺商台做訪問，講到薛凱琪喺屋企俾人偷影，阿詩都覺得好嬲，佢話：「細個都有教唔好偷睇人冲凉啦，家咁樣影入屋，即係偷窺，唔明點解要咁，如果真係冇着衫咁點呢，如果下次影嘅係官員，會唔會又冇事呢？我哋做藝人真係唔知可以做啲乜，係咪要我去選議員先幫到我哋呢。」阿詩仲話佢就係喜歡抱不平，有不滿就要講出聲。