曾經同李珊珊傳緋聞嘅有線娛樂新聞主播衛志豪，日前喺觀塘裁判法院承認醉酒駕駛罪，由於佢解釋話當日愛犬唔舒服，所以先宿醉帶愛犬睇醫生，結果被裁判官鬧足佢5分鐘，最終判佢罰款8,000元同停牌1年。有線發言人噚日話對事件好關注，決定唔畀佢出鏡一個月同唔幫佢接job兩個月，等佢呢段時間好好反省咁話。