年初通過高鐵撥款後，高官議員被困立法會，為免再失威，早前有消息指警方已部署呢幾日要重點保護建制派議員同局長，頭號受保護人物係廿蚊張，次之係林D9，點知形勢忽然逆轉，白鴿黨先至係包圍立法會示威人士目標，有建制派議員笑言，今日相信可輕鬆離開立法會，只係唔知道白鴿黨如何甩身啫。
前晚白鴿黨喺銅鑼灣教協會址開會，紅衫軍聞風而至，警方出動數以百計警員護鴿，今日群情更加洶湧，白鴿黨係眾矢之的，可能要警員貼身保護先能夠全身而退。據講部份議員已有心理準備要「留守」立法會，好似上次被困時咁飲紅酒食消夜，若然白鴿黨議員走不得，歡迎佢哋加入咁話。