從科學嘅角度睇，不祥人、烏鴉口呢類冇咩根據嘅迷信講法，難以成為說服其他人嘅主要理據，但球王比利嘅預測，真係令我有啲唔到你唔信嘅想法。
比利係球壇烏鴉口，但我都一直覺得事有巧合，咁啱俾佢噏中。不過睇番佢賽前對今屆世盃嘅預言，球壇第1烏鴉口確實並非浪得虛名，佢話世盃決賽周希望有一支非洲隊打入4強，結果託佢嘅鴻福，非洲球隊目前喺第2輪分組賽後，總成績係1勝4和7負，其中喀麥隆率先出局，尼日利亞、南非同阿爾及利亞小組排包尾；科特迪瓦出線要喺最後一場大炒北韓，兼要巴西贏葡萄牙。而最好成績嘅加納最後要對德國，隨時由榜首變出局。6支非洲隊如果最終冇一隊入16強，比利嘅「威力」真係要信。印象中比利冇提過德國，所以我可以安心捧佢哋W兼出線。文：戰鬥員A
今日貼士
星期三7德國勝
信心指數：★★★★★
註：5★最高