微波爐雖然好方便，但都有一個死穴，就係叮麪包，因為微波爐會將包入面的水份抽乾，叮完的麪包會硬如石頭，連食都食唔到，今次教大家一個相當容易的方法將麪包翻熱，更加毋須任何輔助工具。
首先將包放上碟，取一張廚紙，用水輕輕沾濕，然後將廚紙完全覆蓋於包上，放入微波爐用大火叮1分鐘，麪包出來會非常鬆軟，體積亦會稍微脹大，入面仲熱辣辣，好食好多！
