o靚模寫真戰下月爆發，今日滿22歲的浸大咪神楊梓瑤（Carol）在即將推出的峇里寫真《Huge》中擺明玩大，着細碼比堅尼倒瀉南北半球，且疑似露乳暈；另外她又戴透視黑bra扮廚房妹及將34E暴乳擺上枱啜意粉，與周秀娜的食腸仔寫真正面交鋒。
遇鹹濕馬騮
皮膚白皙的Carol除了晒白奶外，更穿上deepV裙以女神look於廟外拍照，卻遇上鹹濕馬騮抽水，她昨日說：「嗰隻馬騮好多手，佢扯走我嘅頭飾，又掹我bra帶，佢真係好掹唔掹，我嚇到成個人彈開。」其火辣身材招人畜注意，問她會否為身材買保險？她反問：「幫前面兩嚿肉？其實有時負荷重腰骨痛，不如成個人買保險。」
Carol又自爆早前被仔飛，與拍拖數月的圈外男友分手，她說：「佢唔准我性感，但我識佢時已經係model，我唔想事業一起步就停，呢個人太絕，但都多謝佢狠撇我，如果唔係我唔會咁有決心出寫真，我一定會送番本畀佢留念。」
為谷寫真Carol頻頻出動，昨晚她又在將軍澳錄影《超級遊戲獎門人》，主持錢嘉樂不停以其身材開玩笑，着她彎身鞠躬及示範跑步，但Carol不介意，她說：「娛樂話題，justforfun啫。」同場的黃婉曼近日被指自爆有32F上圍，她不否認：「Fcup嘅好難買，自己都要戴細一個bra。」
採訪：比華利
