在20國集團開會前，人行就人民幣滙率改革講咗啲嘢，結果係市場再炒人民幣升值，噚日非美元嘅貨幣都有好表現，炒滙冇理由唔炒股，恒指噚日就借勢逼近21000關，報收20912，升超過600點，成交仲突破900億元。
睇個勢，港股仲有得升，不過升咗咁多日，累積升幅唔細，小心有震倉式嘅技術調整。
平保C輪20700：平安保險（2318）噚日報收66.75元，升6.4%。股價打破橫行格局，大成交升破250日線，有機會破70元炒上75元，可以諗吓隻C輪20700。隻輪現價9.5仙，2011年2月14日到期，行使價63.88元，溢價9.9%，引伸波幅37.9%，有效槓桿率4.3倍，正股升上75元，20700睇15.2仙，正股跌穿63.20元就沽咗隻輪。
俊樺