28歲的薛凱琪（Fiona）昨日被《東方新地》刊登她在屋內穿內褲的照片，就連其母也遭殃，被拍得在屋內穿上背心短褲，照片曝光後令Fiona大感震驚，如發瘋一樣喪哭。她昨日接受電話訪問說：「影我已經唔應該，係咪要有啲良心，唔好登我媽咪？佢唔係藝人，係長輩，應該要尊重，媽咪冇喊，因為佢見我失控，所以反過嚟安慰我，事件令我父母都好尷尬。」
「如被侵犯」
Fiona對今次事件大感不滿，因她覺得屋企是一個私隱的地方，她說：「頭先我去學唱歌，喺條街上都好冇安全感，只係想行快啲，我會同公司傾吓先決定採唔採取法律行動。」而Fiona所屬的華納唱片公司昨晚發出聲明，表示公司對雜誌的行為及手法大感憤怒，並會保留一切法律追究權利。此外，何韻詩在微博中也力挺Fiona，阿詩強調自己十分憤怒，並寫道：「點解雜誌從屋外影入藝人屋內，如果本雜誌影到係李嘉誠或特首等『上等人』，又係咪都會冇事呢？……我好憤怒。」
撰文：林妃