無綫劇集《點解阿Sir係阿Sir》噚日喺電視城開鏡拜神，陳豪嘅緋聞女友廖碧兒最近有新戲上映，問到陳豪會唔會捧場，佢就話：「我知呀，我希望有人請我去睇首映。」陳豪開到口力撐廖碧兒，於是乎問佢係咪諗住好似其他藝人，將戀情明朗化？點知陳豪扮儍咁話：「我唔明你講乜喎！」跟住即轉話題，話自己識功夫，仲耍咗招虎鶴雙形㖭！