花旗股市上禮拜二急升之後整固咗兩日，禮拜五再向上移，不過阻力位近，所以升幅唔大。
港股方面連升多日，氣勢好好，日線圖嘅走勢越嚟越靚，但係同花旗股市一樣，都好近阻力位。
A股走勢麻麻，但係農行就嚟招股，內銀股可以望多兩眼。
建行C輪17401：建設銀行（939）上日報收6.4元，升1.2%。股價大成交升破50日線，好大機會上試6.8元，破位睇7.2元，可以諗吓隻C輪17401，隻輪現價9.5仙，2011年12月12日到期，到期行使價6.28元，溢價12.97%，引伸波幅36%，槓桿6.74倍（有效3.73倍）。
正股升上7.2元，17401有機見14.8仙，正股跌穿6.05元，就沽咗隻輪。
俊樺