6.20除了是李嘉欣生日，也是「春嫂」應采兒27歲生日。應采兒婚後首個生日老公不在身邊，她表示不介意，透露下月和老公赴南非睇世界盃，乘機造人，更笑言成功擊中，囝囝會改名陳南非慶祝；更乘機取笑黃曉明和Angelababy，笑指兩人的得意BB，可以取名黃baby。
應采兒昨日27歲生日，前晚她在中環出席shakeshakeclub開幕，同場還有李彩華、AnaR.和LisaS.等。應采兒婚後第一個生日，老公陳小春就不在港，她就做孝順新抱，前晚先提前和老爺吃飯慶祝父親節，再去派對。
新髮型被詐型
壽星女應采兒剪了一頭橙紅短髮，清爽有型，她透露在新片中一人分飾兩角，扮演龍鳳胎，故短髮上陣，問到小春對她新髮型看法？她說：「老公都唔太鍾意，佢話型就型，但係少咗女人味。不過剪咗短髮，佢都未攬過我，我哋成兩個幾月冇見。」她謂拍完此片就會休息搞婚禮，問到可是專心造人？她說：「順其自然啦，要生嘅話，生到就生啦。」
讚曉明Baby襯
應采兒直認已經不設防，下月去南非睇世界盃，更會順勢造人，她開心說：「好呀，生個仔呢就叫陳南非，生個女就叫陳冰冰。」之後問其友人黃曉明和Angelababy拍拖，她大讚兩人絕襯：「好似Barbie同阿Ken咁，如果佢哋結婚生仔，個BB一定好得意，可以改個名叫黃baby。」
小春身在內地，都有微博冧老婆，向各方好友呼籲祝賀應采兒，他寫上：「#註意#今天大人生日，又是父親節，雙喜臨門，大家畀吓面祝生日快樂也祝自己父親節快樂吧，有心，有心！」
採訪：R.AuYeung
攝影：RickyIp