「打手」向來目中無人，其實行內嘅師傅們對佢囂張嘅態度都好不屑，尤其「大肥佬」，因為佢覺得打手功夫唔係最了得，最叻係大口氣，仲要喺片場扮晒大哥大，對住啲武指呢樣唔得嗰樣唔好，講到尾都係想就住自己唔想咁辛苦，又怕俾人打親。
早排大肥佬收到劇本要同打手合作，佢開出條件係，假如打手喺片場夠膽同佢講「唔好」呢兩個字，一於冇面畀馬上劈炮。打手知道後都腳軟o架，話晒大肥佬係講得出做得到嘅有料之人，卒之打手喺片場都冇話多多事實。自從打手近年人氣上升後，佢將一朝得志語無論次演繹到入型入格，大肥佬今次先下手為強塞住佢把口，真係大快人心。
Textby 關仁