上星期「死亡G組」進行第1輪分組賽，巴西對北韓，賽後睇新聞，得知北韓官方相當滿意該場賽果及球員表現，准許平壤電視台播放，讓北韓人民得以觀賞兩日前已結束的賽事。
6月頭還在溫哥華探親時，每天都透過睇當地的新時代中文電視台睇香港的即日新聞，自然睇到不少該台的世界盃宣傳，因為廣告不斷強調新時代獲得獨家中文電視台的播映權，當時我很戥人歡喜地跟家人說：「嘩！你哋都有世界盃睇，使唔使額外畀錢？」二姊冷冷的答道：「你睇真啲至講喇！」原來所謂獨家播映權只得揭幕戰，兩場準決賽以及決賽共4場，情況跟香港相似，就是當地有英文電視奪得了播映權，想睇要額外「科水」，新時代才有4場免費波播。
收看直播可大可小
據說真的有人為了睇足世界盃64場賽事，索性告假一個月，捨命賠君子。喜歡幫人計數的人手指忍不住忙起來，篤篤篤，計起所謂的「成本」，事實上，這條數可大可小，先講「硬」成本，即是安裝奪得是次世界盃獨家播映的有線電視，以我為例，簽約兩年，平均月費350元，換言之硬成本要8,400元，看似不是甚麼大數，但我認識不少月薪10萬的中產口說是球迷卻都捨不得安裝。至於「軟」成本則視乎告假睇波那人的月薪多少，管你低級得月薪8,000又或高級到好似和黃大班霍建寧，反正他們負擔得起才會這樣做，也不用替他們肉赤或肉緊。
3件看似不相干的事，串連在一起，發我深省的是，即使不齒我的朋友口袋有錢卻算死草，起碼是他自由意志下的決定，他有選擇權，相比北韓人民，他還有4場有得睇的賽事，一樣可以沾染世界盃氣氛，有人來生不做中國人，為了世界盃，我肯定來生不做北韓人！
文：盧覓雪
港台主持
電郵：mailto:[email protected]