世界盃踢得如火如荼，球迷狗主雖未至興奮到帶狗仔落酒吧睇波，但少不免都會替狗仔添件波衫，全情投入世界盃。狗仔乖乖穿上8號巴西波衫，變身基拔圖施華，醒神又靚仔，人狗一齊追捧愛隊，開心！
記者：梁美
攝影：陳陶鈞
全城世界盃熱，球迷搶購至愛球隊最新款落場波衫，人有狗也有，狗仔也得搶購西班牙、法國、阿根廷、德國、英格蘭、巴西、意大利及荷蘭八個熱門國家隊波衫，前四款波衫更加賣斷貨，究竟是狗主們太過追捧這四國而搶購一空，抑或另外四款本身捧場者眾，「一寵百貨」店主有先見之明老早大量入貨？姑勿論原因，單看幾款狗仔波衫，有領有袖有衫腳，藍軍意大利、純白英格蘭、大橙荷蘭、鮮黃巴西，顏色鮮艷剪裁Sharp醒，起碼一眼就看出所屬那支國家隊，穿在狗仔身上又確實幾醒目有型。
八國球衣四款斷市
熱捧巴西隊的阿Sum，養了兩隻西施，也來湊一湊世盃熱，為兩隻愛狗棉花糖及糯米糍換上巴西波衫，「我本身都有睇世界盃，最喜歡巴西隊，巴西球星技術OK，湊熱鬧嘛，所以替棉花糖和糯米糍穿一件巴西隊波衫。其實，牠們身上穿甚麼款式的衫，都只是為滿足作為狗主的我吧，哈哈！」這點大家當然明白，雖然穿了8號巴西球衣，但總不會當愛犬是巴西中場8號基拔圖施華！除了世界盃，每逢大時大節，阿Sum也會為狗仔預備應節衫仔，「如萬聖節和聖誕節，見到又得意又靚的狗仔衫，我也會買給牠們穿，齊齊感受節日氣氛。」棉花糖與糯米糍的衣櫃豈非充滿特色衫仔？「不太多，和服、風褸等等，每隻狗都有十多件狗仔衫呢！」還說不多，我的櫃桶，分分鐘沒有十件Tee。
為狗仔選衫仔要留意幾點，阿Sum建議：「質料要透氣不能太焗身，衫的大小及尺寸要剛剛好，不能太緊身或太鬆，棉花糖和糯米糍都是西施，體形小毛多而長，穿衣時及脫衣後都要整理四肢及腋下位置的毛，否則狗毛很容易打結，很難梳順打理。」
表演中槍
狗仔球衣$180起
分L、M、S、XS四個尺寸，即日至6月30日購買有九折優惠。
螢光雨衣夠Sharp醒
波衫以外，「一寵百貨」也賣世界盃版狗仔圍巾，圍巾印有國家隊球衣顏色及球星名字，配合球衣，成套裝備醒目突出。同場也有為夏天推出的新款運動衣及雨衣選擇，運動衣用透氣物料製成，加上有夜光邊，晚上散步，天黑黑離老遠都輕易認得出寶貝狗仔；最搞笑還是那件波點雨衣，乾濕褸般設計，新潮又型，超可愛！
圍巾$40
球衣配圍巾，型！圍巾用國家隊球衣加球星名字做圖案，有十多款選擇，如白色的英格蘭碧咸、藍白色的法國亨利、淺藍色的阿根廷美斯，不過我估橙色的荷蘭雲尼斯達萊、黃色的巴西朗拿甸奴和藍色的意大利托迪銷情較弱，鬼咩？以上三人都無份踢世界盃！
狗狗雨衣$98-$138
有頭笠，衣身附有綁帶，可調校鬆緊度，穿起來更貼身，可摺叠收納變成小小一Pack，方便收藏，有四種顏色及三個尺寸選擇。
運動衣$95起
用高透氣物料製成，防水具彈性，有四種顏色及六種尺寸選擇，遇過雲雨也不怕濕身，穿上身非常Sporty。
紅色波點雨褸$240-$270
尺寸很多，由大到6L都有，體形較大的狗仔也找到合適尺寸，最過癮是乾濕褸般設計，除腰帶，收腰設計狗仔Slim晒！
黃色傘仔雨褸$260-$280
只得一款卻有四種顏色選擇，我最愛這件黃澄澄的，頭笠與衫袖皆有紅色綑邊，中間有三大粒大紅圓鈕，似消防員，離遠一遠都認得到。
一寵百貨（21539999）
九龍灣國際展貿中心EMax四樓19號舖