煲呔同佢身邊啲擦鞋仔，辯論之後強調不論輸贏，勝出嘅係香港，八方其實好唔同意，至少有啲人一定係輸家，就係記者。
余曾密室辯論，採訪呢個金魚缸式辯論諸多限制，有關方面只准每間報館派出一名記者，進入辯論場地嘅一間玻璃房旁觀辯論，報館多數派攝影記者入玻璃房，二十幾名報館文字記者，就要在政府總部四樓嘅西餐廳，同幾百萬市民一樣睇電視。
呢間西餐廳由政府總部職員聯誼會搞，標榜「SOHO感覺，食在西餐部」，一般市民冇乜機會幫襯。前晚新聞處擺咗四部電視機畀記者「採訪」，有人形容前晚辯論係歷史時刻，市民應該好好記住，八方相信好多行家都係咁話，「採訪」幾部電視機嘅歷史性場面，堪稱畢生難忘。