近日「百果園E神」陳靜人氣急升，憑着驕人身材成功上位，吸引大批網友宅男fans，但有網友指陳靜貌似著名泰國變性人NongPoy，驟眼看來兩人的確有幾分相似，上圍同樣出眾，不過陳靜明寸NongPoy的上圍屬後天加工，難以和自己的天然出品比較。
擁有33E驕人上圍的「百果園E神」陳靜近日曝光率相當高，成為一眾o靚模之冠，成功俘虜不少網友宅男fans，成為網上熱門搜尋。但有網友卻在討論區指陳靜貌似索爆的泰國變性人NongPoy，驟眼看來兩人樣貌的確有點相似，最重要當然是同樣有逼爆上圍，令男士一見流鼻血。
Nong人妖選美奪冠
現年23歲的泰國變性人NongPoy，自小已討厭自己是男兒身，因此在17歲時便做了變性手術，她坦言有重生的感覺。19歲時，NongPoy當選人妖選美MissTiffany冠軍，其後她也有參與電視演出。
陳靜昨日接受電話訪問時，聲稱被指似索爆的變性人，絕不介意，她說：「我有睇過NongPoy啲相，真係一啲都唔似男人，可以話係完美女人。我自己就唔覺得同佢似，佢仲靚啲呀，如果真係話似，我覺得最似係大家嘅笑容。」提到兩人上圍同樣睇頭十足，陳靜表示從相片中覺得對方身形更纖瘦，至於上圍，陳靜笑說：「我冇睇過佢全身相，唔係好知成個身形，但佢係加工，所以比較唔到。」
除了NongPoy外，網友又指陳靜似另一性感女神陳法拉，也有人指她似日本女星綾瀨遙，三人也是上圍睇頭十足，陳靜直言個個皆是靚女，所以她沒有所謂。
不介意遭移花接木
問陳靜會否介意成為男fans的討論對象？她笑言：「唔介意，俾人講咪當宣傳，我唔會放喺心入面，有時仲會同經理人睇完一齊笑。」陳靜表示即使被網友移花接木造出古怪相片也沒有問題，她笑說：「最緊要唔好太過性感，唔好又老又醜都接受得到。」果然心胸和上圍一樣廣闊。
採訪：葉雪