【本報訊】曾與李珊珊傳緋聞的有線娛樂新聞主播衛志豪，聲稱愛犬不適，帶着宿醉駕車求醫，遭巡警揭發他體內酒精含量超標。衛志豪昨在觀塘裁判法院承認醉酒駕駛罪，遭裁判官痛斥5分鐘：「如果你車隻狗去睇醫生嗰陣，撞死個人，咁點呀？嗰啲唔係命咩？……要死多幾多個人，你先肯停呀？」最終判他罰款8,000元及停牌1年，並須參與駕駛改進課程。
事緣今年5月3日清晨5時許，35歲的衛志豪駕駛一部白色七人車，沿觀塘繞道東行，在路上左搖右擺，遭巡警截停。吹氣測試揭發他醉酒駕駛，警誡下他保持緘默。事後他被帶返警署再驗，體內酒精含量為每100毫升中仍有41微克，超標近一倍。
求情時變得口齒不清
衛志豪並無律師代表出庭，他於庭上自稱記者，月入1.5萬元。一向口齒伶俐的他，求情時竟口齒不清。裁判官溫紹明忍不住說：「我完全聽唔到你講乜。」衛解釋，事發當晚「高估咗自己新陳代謝」，喝酒後本已睡覺，但睡不夠3小時，愛犬突感不適。他打算送愛犬求醫，但路上苦無的士，只好冒險駕駛，「以為瞓咗覺就得」。
裁判官聞言，突然大聲喝罵衛志豪：「三個鐘後都驗到咁高，你之前飲咗唔少啦！呢啲係理由嚟咩？如果你車隻狗去睇醫生嗰陣，撞死個人，咁點呀？撞死咗人哋老竇、人哋老公，咁點呀？嗰啲唔係命咩？」
裁判官又謂，早前觀塘區亦有老師涉遭醉駕司機無辜撞死，怒斥衛「有冇諗過周街都係人？你只係諗自己，唔使諗其他人！要死多幾多個人，你先肯停呀？」其後裁判官詢問衛的個人資料，衛竟反問：「我？」裁判官餘怒未消，反唇相稽：「唔通我呀？」
案件編號：KTCC3543/10