【本報訊】建制派為催谷今日舉行的撐政改遊行人數，出盡威迫利誘招數，與內地關係密切的三大書局及香港中國旅行社相關單位，有員工踢爆內部有人不斷呼籲，員工帶同家屬、朋友一起遊行，參加者需記名，不可穿黑衣及持平反六四等有政治色彩的旗幟到場，員工擔心不參加會被秋後算賬。職工盟秘書長李卓人指老闆用「大石砸死蟹」方式要員工參加，反映政改爛方案不得人心。
建制派組成的政制向前走大聯盟繼派錢、補貼海鮮團及藉學校高層逼師生出席遊行後，又透過親中機構向員工施壓。有商務印書館員工向本報表示，同屬聯合出版（集團）有限公司的三聯書店、中華書局及商務印書館，均呼籲員工參與遊行撐政改方案。
「長毛」揚言踩場
商務印書館行政人事部早於本月2日，向同事發電郵呼籲，雖列明是次活動是自願參與，但以方便預計人數為由，要求參加者需報上名來，「唔去公司一定知，仲講明唔准着黑衫，或者帶有六四字眼旗幟到場，參加者冇錢收，休假嘅員工仲要自付車費去。」
有中旅社員工亦指公司有人呼籲同事參加今日維園的遊行，更要求各部門要有一定人數出席。中旅社營銷中心總經理吳熹安表示，有關呼籲是集團內職工聯誼會發起，「職工聯誼會一向負責業務以外關心社會嘅活動，例如公益金百萬行，員工可以自願去，唔會話強迫」。商務印書館及三聯書局至截稿仍未回覆。
此外，一名清潔工亦報料指公司誤導她，訛稱今日遊行目的是支持最低工資35元，呼籲她出席，並安排旅遊巴於下班時間載員工往維園。李卓人指此類誤導手法十分「下三流」，「咁樣實谷到好多人去，但唔係完全自願根本冇意思。」
大聯盟集會於今日下午4時維園舉行，其後經波斯富街遊行至立法會，預計將有二萬人參加。部份社民連「紅衫軍」成員聲言會踩場，「長毛」梁國雄揚言，或會在高處架設巨型喇叭「唱對台」。