每個養寵物的人都喜歡為寵物拍下不少照片，商台DJ少爺占亦不例外，兩年多前他家中多了一位成員MiuMiu，自此MiuMiu便成為他鏡頭下的模特兒。另外阿占最愛為野仔成員何兆基拍照，因為他覺得世界上沒有一位朋友像他那麼儍，每次拍照時都會「自動波」擺出惹笑的甫士。撰文：李珮洳
一顆事業心
「百足咁多爪」的少爺占，無論主持節目、創作廣播劇、出版小說、夾Band、搞騷、拍戲，好像沒有甚麼可以難倒他！
變型野仔
「呢兩個都係我嘅隊友（野仔），夾band時我好鍾意影佢哋，因為覺得夾band嘅人唔使作狀擺甫士都係咁型。」
艾粒背後
「呢個騷係艾粒最後一個騷，我企埋去就有我哋兩個公仔射落我背脊，好似將成件事印咗落我個心一樣。」
痛苦重溫
「拍《六樓後座》睇playback時影，因為呢個鏡頭我NG咗幾十次都拍唔到，第二日再要補拍，所以我就影低呢個痛苦時刻。」
薯頭蛋糕
「MiuMiu兩歲生日，我將個番薯切到好似一片蛋糕咁，但係佢個樣好似叫我快啲影完畀佢食。」
狗王寶座
「之前整咗一張藤椅諗住自己坐，有一日MiuMiu跳咗上去，仲擺咗個好威風嘅甫士，我第一時間影低呢張相。」
騎呢roro
「何兆基真係唔介意做埋呢啲騎呢嘢，佢拎住一支按摩棒擺喺雙眼度，就話呢個樣自己好似Keroro。」
獸性大發
「有一日返到屋企着唔到隻人字拖，因為成個『人』字俾MiuMiu食咗，呢張相佢個樣變成野獸，好似熊人。」
軍曹狂迷
「同何兆基去日本，佢見夾公仔機入邊啲Keroro，係咁話要影相，仲自己整個咁嘅樣出嚟，影完仲話自己真係好似。」
絕育眼神
「MiuMiu做完絕育手術之後要戴喇叭，佢用一個楚楚可憐嘅眼神望住我，好似叫我快啲幫佢除咗去。」
兩個老襯
「我堂哥結婚我幫佢影相，我老點佢兩公婆去擺埋啲老套甫士，特登將焦點對落啲花度，費事嚇親人。」
