韓國「第14屆富川國際奇幻電影節」近日公佈參展名單，黎明夥拍任賢齊嘅電影《火龍》成為唯一一部競賽港產片，兩人爭做影帝。至於執導呢齣戲嘅林超賢仲有機會繼上年《証人》後，再次得到最佳導演獎。觀摩電影方面，曾經喺呢個電影節封帝嘅鄭伊健，其新作《飛砂風中轉》都有份參展，另外《打擂台》同《出水芙蓉》都有份。電影節下個月15號揭幕。