擁有34E豐滿上圍的o靚模劉欣宜（ECupBaby），去年與男友分手後，雖然一直聲稱沒有男友，但記者前日卻見她與男子組合4anda成員Jason（曾俊峰）戴着黑框情侶眼鏡約會，二人逛完寵物用品店後再到保齡球場玩足球機及打保齡，ECupBabyhigh到不停喪笑及踎地，二人看來又點止朋友咁簡單！
劉欣宜去年6月與設計師男友分手後，被本報拍得她與o靚男拍住拖返回男方公屋寓所。不過事隔一年，ECupBaby原來已轉移目標，偕4anda成員Jason到九龍灣Emax約會。
喪笑踎地
前日下午二時許，戴上情侶黑框眼鏡的ECupBaby和Jason，齊齊現身九龍灣Emax的寵物用品專門店，不過二人只兜了一個圈，逗留不夠5分鐘便空手離開。之後ECupBaby與Jason再到九展的保齡球場消遣，二人一到場即圍住足球機喪打，ECupBabyhigh到不停開心喪笑，甚至不顧儀態地踎在地下。
玩完一輪足球機後，ECupBaby與Jason再落場打保齡，不過ECupBaby原來極度屎波，不時打到東倒西歪，打完一round後僅得24分（滿分為300分）。至於Jason雖然不是打得出色，但總算有128分成績。二人玩足個半鐘才捨得離開。
只認朋友
記者昨日致電Jason經理人Larry，求證Jason是否與ECupBaby拍拖時，他說：「佢哋之前認識咗，只係朋友聯絡吓，唔係拍拖。」
採訪、攝影：黃曉程、羅德光