潮人徐濠縈、Zing和黃偉文等昨晚出席Chanel活動一律以Paris-Shanghai盛裝示人，徐濠縈透露會買一、兩件該系列產品珍藏，但不會是她身上所穿價值十多萬元的外套，她說：「我幾鍾意衫都好，買六位數字係唔會發生喺我身上，最貴買過幾萬蚊衫左右。」
康堤畫父親節卡
問徐濠縈會怎樣慶祝父親節，她說：「Eason（陳奕迅）喺香港，如果冇嘢做，都會一齊食飯，舊年都冇慶祝。我會督促包包（女兒康堤）畫卡o架喇，佢拎定咗張爹哋嘅相。」又謂可能會與老爺陳裘大一起慶祝。近日有指徐濠縈店舖Liger的leggings及厚底sneakers有抄襲之嫌，她說：「呢啲唔使理，我啱啱先開咗新店，啲貨都唔知賣得幾好。」
此外，黃偉文昨晚戴着寫有中文「可可香奈兒」的盒仔頸鏈，他大讚說：「設計好有山寨味，Chanel好有幽默感。」