曾經參加過港台《窮富翁大作戰》體驗草根生活嘅富家千金陳鈺芸（JuJu），雖然參選港姐被淘汰，但佢似乎星夢未完，繼續積極進軍娛樂圈。JuJu有一連串計劃，佢會先出個人勵志書《美麗是活出來》，嚟探討貧富懸殊嘅問題，7月就再出處女EP，今日仲會喺深灣遊艇會出海拍攝MV㖭。有米JuJu自己捧自己，所以TVB唔吼佢都冇所謂。