花旗股市反覆偏好，港股放完假跟勢炒上，恒指報收20138，升76點，成交雖然唔夠500億，但係保持上升嘅氣勢，錄得升幅嘅正股有600隻，睇形勢，港股仲可以喺偏好嘅氣氛之下炒作。
花旗嘅債券大王格羅斯加注買股票，話PE低好抵，格羅斯喺市場好有影響力，可以諗吓佢買股背後嘅啟示。
東風C輪23013：東風集團（489）噚日報收9.18元，升4.6%。股價反覆跌咗兩個幾月，近日轉勢，升破10.30元睇11元，可以諗吓隻C輪23013。隻輪現價17仙，2011年3月28日到期，行使價9.88元，溢價26.1%，引伸波幅60.5%，槓桿率5.4倍（有效3倍），正股升上11元，23013睇28.3仙，正股跌穿8.50元就沽咗隻輪。
俊樺