政制向前走大聯盟星期六搞集會大遊行，由於阿爺有令要萬人撐場，全港土共組織想盡辦法交人，派錢、請食海鮮、強迫師生參加無所不用其極，被踢爆威迫利誘旁門左道營造民意，棠哥惡人先告狀指「對家」都有搞飲食團，如此嘴臉，令人厭惡。
職工盟5.1勞動節同工友飲餐茶AA制40蚊，被土共詆毀，八方噚日收到服務業工會聯合會同服務業從業員總會單張，以慶回歸13周年名義，叫會員星期六下晝3點去銅鑼灣皇室堡帝廷酒家飲茶，食飽點心後，拉大隊到維園撐政改。
棠哥抹黑職工盟40蚊位屋邨茶樓飲食團，呢兩個工會喺銅鑼灣酒家食點心，收幾錢一位呢？10蚊。