【印度直擊】15位準港姐昨日繼續印度之行，不過由於天氣太熱，佳麗遭乾煎疲態畢露，7號何樂翩臉爆瘡兼心口現紅印。6號林碧珍日前才被揪出攬仔相，近日網上又流傳她另一幀攬仔照及與男伴黐頭芒合照，表現勁High。
今屆候選港姐是非未停過，現年23歲的6號林碧珍繼上周被揪出攬仔照後，近日網上又出現她另一輯夜蒲攬仔照，相中的她笑面迎人，親熱依偎蓄直豎短髮的男伴，其身旁女友人也被一男子緊緊熊抱，看來眾人玩得勁high。另一幀照片中，林碧珍與一名中年男士面貼面合照，同樣表現親密，想不到外表斯文的她也十分玩得蒲得。
的骰湯唯學歷成疑
至於一出閘已彈出的大熱佳麗「的骰湯唯」11號李文煊也難逃是非門，被質疑大學畢業之真偽。報稱大學畢業的她，之前被指畢業於倫敦帝國學院（ImperialCollegeLondon），但昨日本報接獲電郵爆料，指她在英讀書成績差，且未有畢業，講英語爛之餘又性格開放。對於李文煊被質疑是否大學畢業，其提名人張天愛昨在電話中說：「冇可能！佢爸爸媽媽、婆婆爺爺都去晒畢業典禮o架！」她力證見過其畢業照：「你去佢學校可以check到。選美係比賽，有啲人會有少少jealous。」對於李文煊被指性格開放，張天愛則說：「全部係妒忌人！佢成家人我識咗好多年，呢個女仔好乖o架。」
李文煊和林碧珍昨仍身處印度，聯同其他佳麗繼續拍外景。昨日大會安排15位佳麗到IndiaGate參觀香水店，由於當地氣溫超過攝氏40度，佳麗慘被乾蒸現疲態，殘樣及暗瘡暴現，林碧珍帶大眼袋出鏡，她苦笑說：「擔心聽日着泳衣，今日要節食減肥。」
4號文凱玲水土不服
林碧珍又爆4號文凱玲水土不服，文凱玲也承認：「噚日有少少唔舒服，我有問過導遊，我飲咗啲凍水所以絞肚痛，有啲肚屙。」今日佳麗將到訪琥珀堡及首度穿泳裝亮相。
採訪：楊潔雯 攝影：黃偉雄
若讀者知道今屆入圍港姐的底細，歡迎電郵至mailto:[email protected]報料。