花旗股市前晚勁升，不過噚日港股休市，可唔可以受惠花旗股市升勢，仲要睇噚晚嘅變化。
不過港股升破20日線後走勢已經好咗，啱啱仲出現黃金交叉，短線有機會上試20600。
天匯撻定係個別事件，對恒基地產（012）股價或者有些少壓力，但係就唔會影響個市。
中遠C輪22890：中國遠洋（1919）上日報收8.41元，升0.7%。股價近兩日升破10日同20日線阻力，下一站就係9.60至10.20元，可以諗吓隻C輪22890。隻輪現價22.9仙，2011年8月29日到期，行使價8.50元，溢價28.3%，引伸波幅63.4%，槓桿率3.7倍，有效槓桿率2.3倍，正股升上10.20元，22890睇35.2仙，正股跌穿7.70元就沽咗隻輪。
俊樺