吳君如昨日以奧比斯兒童大使身份，往尖沙嘴出席宣傳活動，提到早前往印度探訪五日，她說：「比想像中辛苦，自己又冇打預防針，又驚當地嘅食水食物唔乾淨，所以幾乎冇食當地嘅嘢，主要食自己帶去嘅乾糧，連隨行嘅醫生都講笑話原來啲明星真係唔食嘢，所以瘦咗5磅返嚟，不過醫生都提我哋千祈唔好飲用當地嘅水，冲凉時都唔好擘大口。」
君如又指到過電影《一百萬零一夜》嘅貧民窟參觀，她說：「真係好震撼，成地都係老鼠、米田共（糞便），啲細路仔又唔着鞋通街走。」
捐乖女零用錢
君如又透露將囡囡是之的零用錢加利是錢共六位數字捐給奧比斯，她說：「香港地啲小朋友物質真係太豐富啦，試過同個女參加一個小朋友生日派對，個小朋友竟然嫌個生日蛋糕唔夠大㖭。」
採訪：EddieWong 攝影：ChenWaiOn