睇到昨晨北韓前鋒鄭大世一路唱國歌一路喊到收唔到聲，就知道可以踢世界盃對有heart嘅球員嚟講，真係好重要。雖然北韓最後都以1:2輸咗畀巴西，但輸波贏盤，都算有交代；而綜觀今屆3支東亞球隊，都有唔錯表現，今日南韓喺第2輪要硬撼奪標熱門阿根廷，一於博「太極虎」不敗，取「讓球主客和」[+1]開「客勝」。
阿根廷喺首仗雖然只能小勝尼日利亞，但球員其實表現唔錯；加上佢哋擁有美斯、泰維斯同希古恩嘅前線鑽石陣容，今日對南韓，似乎贏硬。不過，南韓首仗勝希臘亦表現唔差，球員體能好，行軍又快速，加上有朴智星呢個大經驗豐富球員壓陣，南韓或能同阿根廷一鬥。而且，講到有heart，呢方面南韓就分分鐘好過阿根廷。陰謀論啲講句，阿根廷喺最後一場分組賽會對住呢組最弱嘅希臘，今役會唔會去盡都未知。文：吾中
今日貼士
星期四1南韓勝[+1]
信心指數：★★★
註：5★最高