昨日端午節，舉行「太子珠寶鐘錶精英盃」賽馬日活動的沙田馬場十分熱鬧，歌影視時裝體育界代表盡出，大會更分別頒發獎項予鍾景輝、古巨基、惠英紅、黎耀祥、何國鉦及趙詠賢，但各得獎人的風頭，均不及打扮性感的楊秀惠和呂慧儀。
古巨基自稱童子身
楊秀惠昨日以一襲綠色低胸裙示人，穿單肩裙的呂慧儀一見她便說：「我今日讓半球呀。」楊秀惠則讚呂慧儀身形好穿甚麼款式的服裝都好看。不過打扮性感的楊秀惠昨日卻因疑似露暈走光，前後出入後台三次整理服裝，事後她說：「我已經三管齊下，貼膠紙、戴nudebra同埋貼乳貼防走光o架啦，可惜膠紙都係走位。」提到早前陳爽在公益金慈善節目中不慎走光，楊秀惠說：「嗰次我淨係掛住自己，冇提醒佢，今次就輪到自己驚險。」
此外，早前有傳古巨基的緋聞女友助手Lorraine懷孕，昨日二人一起現身，但Lorraine甫見記者即閃入後台，基仔說：「佢今日有出現、冇大肚，我可以好切實咁講呢啲冇得呃，過幾個月就睇到。」提到郭富城早前指已屆適婚年齡考慮結婚，問基仔會否怕適婚年齡的Lorraine唔等得時，他聽錯以為是問他本人，答說：「我乜嘢唔等得呀？我好強壯呀。」又謂小時候常用童子手幫爸爸指馬仔，他笑說：「我家都仲係童子呀。」
採訪、攝影：歐陽慧恩