繼《萬世歌王》、《萬千師奶賀台慶》之後，詹瑞文將於8月與兩位徒弟合作演出以電影為主題的舞台劇《笑帝》，完成他舞台劇的歌影視三部曲。日前阿詹與徒弟泰臣模仿《少林足球》中星爺與黃一飛的和尚造型，更學足星爺的無賴感覺。
詹瑞文8月開騷，今次他以香港電影為主題，與徒弟泰臣及蝦頭合作演出《笑帝》。既然內容是與電影有關，阿詹覺得周星馳是香港電影圈代表人物之一，更是喜劇演員的表表者，所以劇中會以星爺於電影中的造型示人。
日前阿詹與徒弟模仿《少林足球》造型綵排，二人又彈結他又耍功夫。他說：「佢（星爺）係喜劇嘅icon，我鍾意佢嗰種不羈，佢攞到喜劇嗰種無賴感覺，因為每個人喺生活上都想做一個無賴。」
不過周星馳的電影都被批評大不如前，他說：「我對《長江7號》都有啲失望，但周星馳都講過呢套戲佢想做幕後多啲，我唔相信有技窮呢回事，只係佢嘅階段唔同咗，即係家佢都做咗CEO啦！」
想緩和怨氣
另外阿詹決定演出《笑帝》，是希望將大家帶回快樂的時光，他說：「電影帶畀人fantasy嘅嘢，呢幾年香港太多怨氣，我自己都唔想再用鬧嘅形式去講呢個社會，費事傷身，不如用開心嘅方法去做啦。」
每次阿詹的演出都會提及最hit的社會話題，今次亦少不了「起錨」事件，阿詹笑言這是一場「起鬧」運動，他說：「佢哋都冇真正了解落區會點，又唔齊心，一個人講完『起錨』，後邊啲人又唔一齊嗌，有啲就咪嘴，財爺個嘴直頭冇郁，成件事真係好肉酸。」
採訪：李珮洳 攝影：彭琮然