由薛凱琪（Fiona）、房祖名主演的《分手說愛你》前晚在灣仔舉行首映，Fiona獲緋聞男友方大同和周柏豪撐場，而鄭伊健、楊千嬅、鄭裕玲等也有前往捧場，場面熱鬧。
近日Fiona和房祖名經常孖住做宣傳，但這對過氣情侶卻表現避忌，無論在台上定台下都扭扭擰擰。
對於是否有復合可能，Fiona就尷尬說：「我哋都冇拍過，點復合呢？」而房祖名前晚與契爺陳自強（Willie）結伴到場，雖然陳自強和成龍曾傳不和，但祖名說：「一家人唔會鬧大家，阿爸係阿爸，Willie係我契爺，我爺爺講過人生中最重要係兄弟，好似我咁都有三位能為我擋子彈嘅兄弟，係洪金寶個細仔、陳柏霖同另一個朋友。」
千嬅恨做色慾女
此外，到場支持鄭丹瑞的千嬅就自爆有興趣演繹《色慾都市2》的角色，但她卻說老公不批准，又大晒幸福說：「老公叫我唔好睇咁多呢啲，會學壞，佢家做運動keep弗，佢要以身作則激勵我開演唱會前要減肥。」
採訪、攝影：張俊銘