劉德華、李克勤和向華強夫婦昨日為食店擔任剪綵嘉賓，未知是否曾因與生意拍檔不歡而散，當談到投資生意時，華仔坦言力不到不為財，寧願獨資也不想再與人合作。向太表示與兒子向佐有計劃，10年內全力發展事業，若他與Race情比金堅，定能開花結果。
劉德華、向華強夫婦和李克勤昨日在上環一間食店擔任剪綵嘉賓，與老闆份屬好友的華仔，活動過後隨即趕回北京拍電影，問華仔有否計劃仿效好友開食肆？他笑說：「我對上一次搞飲食已經係天天漁港，之後一路都冇再諗，我覺得要投資要做啲有把握嘅嘢，所以投資做演員。」
只拍戲及投資電影
問華仔是否因為曾試過與生意拍檔不歡而散，留下陰影？他說：「如果我搞生意只會獨資，唔會同人夾份，始終做生意力不到不為財，但係我家未諗到搞乜嘢生意，所以暫時只會做演員同投資吓電影。」
有指新片《偷聽女人心》將會與鞏俐合作，華仔說：「我到家都唔知邊個做女主角，我費事講錯嘢，況且我家都係拍緊啲戲份，我淨係知有一個內地新演員做我個女，老婆就由胡靜飾演。」華仔表示會在北京逗留至下月尾才回來。
向太谷兒子做打星
另外，向太透露栢芝生下謝家二少爺後，專程送了12埕薑醋給她，問向太何時到向佐派薑醋？她笑說：「唔好問我呢啲問題喇，我同阿仔有個十年計劃，佢呢十年要努力發展事業，向動作影星進發，好似李連杰同利智都係識咗十年先結婚，只要佢同Race情比金堅，一定可以開花結果。」
採訪：何慧斯 攝影：陳慧安