2010世界盃已經在南非開鑼，由於有線奪得獨家播映權，所以無綫只好製作世界盃節目來對撼，不過卻被網友狂轟不夠專業，而一向熱愛足球兼是無綫契仔的李克勤，昨日在上環為粵菜餐廳「桃花園小廚」做宣傳時就開腔撐無綫，他說：「其實真係好難做，始終冇得播場波，所以要搞番啲活動，呢啲要體諒，我都有聽過何麗全講，無綫做動畫嗰啲都使咗好多錢。」
懷念已故拍檔
克勤自言今次世界盃令他勾起不少回憶，因為上一屆世界盃他與林尚義和伍晃榮做主持，但如今兩位昔日拍檔都已離世，自然令克勤無限感慨。至於無綫會否邀請克勤救亡，他即謙虛說：「千奇唔好咁講，直到目前呢一刻都唔會，都要等我公司同無綫關係搞好先，我唔理咁多，只會專心睇波，呢啲唔到我處理。」
採訪：何慧斯
攝影：陳慧安