決賽周開始咗幾日，入波已經唔算多，只有德國可以炒到澳洲4球，而嚟自前鋒嘅入波少之又少，有唔少評論都認為，同個世界盃專用波有關係，唔單止收死龍門，前鋒都唔知點樣控制個波。
「玩具波」玩死前鋒
除咗德國之外，頭3日比賽中，加納嘅基恩係唯一入波嘅前鋒，但都係只靠12碼，得出個結果係球員都好難控制呢個「玩具波」。雖然亦有部份攻擊球員話會多啲遠射希望收死龍門，但依我所見，到家為止好多遠射都係「飛機」居多，超靚勁射欠奉。至於德國可以入4球，你可以話佢哋喺德甲時已經踢慣咗呢個波，所以普多斯基勁射可以「食」得咁應。
巴西今晚出場，分組賽要[-2]就只得呢場，表面好似讓得太多，但對手北韓世界水平應該同巴西有距離，同02年巴西對中國時一樣頗相似，森巴「主勝」在望。文：戰鬥員A
今日貼士
星期二4巴西勝[-2]
信心指數：★★★★