英格蘭門將「牛油手」漏波入自己龍門，搞到被美國逼和，真係輸到唔少散戶眼前一白！唔少散戶返回股場炒作，都仲講緊呢場波，好彩星俠一直唔係英國波擁躉，所以對該場賽果一點兒感覺都無。賭波，點會咁易發達呀？
市況無疑淡靜，不過個別二三線股紮紮跳，其中早前發過盈喜的股份表現都幾耀眼，包括有中國無線（2369）升7.3%，收報3.40元；另一隻國中控股（202）仲勁，抽升11.3%，收報0.89元，成交量亦大增9930萬股。國中本月底將公佈業績，似乎呢一站應有力升上1元至1.10元之間，現價吼位跟進，跌穿0.75元止蝕。
國中主業係在內地經營水務項目，早前以每股0.65元配股，錄得超額認購，反映市場看好水務項目。集團08年收購黑龍江國中，去年完成收購及重組，目前持股量逾70%，集團已定下未來3年實現日均處理量1000萬噸目標。去年底集團擁有逾10個水務項目，覆蓋多個省分，若全數投入運作，日均處理量達94萬噸。
方星俠