耳機除了用來聽歌之外，近年更成為潮物之一，代表作必然要數Monster推出一系列Beats耳機，好聲又型格，最近又有新搞作，搵來一向言行、衣着皆出位的女歌手LadyGaga幫手，推出HeartbeatsByLadyGaga入耳式耳機，想知道如何突出自己？學嘢啦！
記者：許福合
攝影：陳盛臣
Model：Alia@PureModels
鳴謝：環球唱片
LadyGaga親自設計
今次新推出的耳機，外形上與以往Monster嘅風格大為不同，原來HeartbeatsbyLadyGaga並非只係用佢個名，設計都係由LadyGaga親自操刀，更話希望Fans在現今數碼音樂盛行的時代，都能有個真實耳機，能完整聽到各種細緻、豐富的音樂，品嘗到音樂人創作出來的心血。
可能因是女設計師，作品好女性化，甚至似耳環，顏色有紅、黑同白。使用時亦要注意，因為係入耳式，但耳機的三角形機體戴上後容易造成不平衡，感覺幾易甩，所以認真要選個合適Size的耳塞，聽起來才舒服。
MTV都聽Beats
LadyGaga除了親自設計了HeartbeatsbyLadyGaga外，各位歌迷唔知有無留意到，其實在最近兩隻LadyGaga的MTV內，兩款耳機都有出過鏡，未睇過？你係咪Fans先？
ControlTalk免提
Monster耳機配備的ControlTalk，一向係我的最愛，聽歌時可以校大細聲、開始/暫停播放等，來電時又當埋接聽鍵同收音免提，勁方便，適用於iPhone、iPod及部份Blackberry機種，唯一美中不足係，唔學似Solo系列，耳機線可以更換，換得就耐用好多。
SoloHD特別慈善版
大受歡迎嘅Solo系列，新出一隻特別慈善版SoloHD，每出售一隻，廠方就會捐出5美金予GlobalFund作為經費，結構或音色上雖然與原版無大分別，不過鮮紅色耳機，加上一層令面，會有反光效果，摸上手無咁膠，而耳綿就用灰色，唔玩撞色，兩邊仲會加上個特別版Logo，更有收藏價值。
小評：高中音靚
音色方面，覺得會比較適合聽POP，基本上高中音表現清楚，音域廣，不過新耳機在聽低音時，明顯有實實哋的情況，用家入手後最好煲一段時間，估計熱身後表現會較好。
Profile
單元：耳道式動圈單元（8mm）
靈敏度：94dB
阻抗：18ohms
噪音隔離技術：In-Ear噪聲隔離
其他：1.2米耳機線材、抗蝕性24K鍍金接頭
重量：18g
查詢：大昌影音（24040727）