賭王子女愛追星，三房超蓮愛吳尊，四房么女超欣則迷LadyGaGa。昨晚家人為超欣舉行11歲生日會，超欣以招牌GaGa的bodysuit和大蝴蝶結造型示人，可愛精靈；胞姊超盈則變臉pockerface，與80多個同學仔，齊齊歡送超欣出國讀書。
賭王何鴻燊和四姨太梁安琪的么女何超欣11歲生日，昨晚在香港仔深灣遊艇俱樂部慶祝，四房長女何超盈做搞手，為妹妹搞了名為AliceintheWonderland的生日會，包場請了80多個同學仔、家長和親友等同歡，更有製作公司安排表演等。
父女Cova慶祝
晚上6時左右，超欣和胞姊超盈一齊坐七人車到場，壽星女一身LadyGaGa造型出現，身穿bodysuit，頭戴GaGa招牌假髮大蝴蝶結，非常可愛得意；超盈就化了撲克牌的pokerface妝。問超欣生日願望，她說：「希望一切順順利利啦。」媽咪覺得她的GaGa造型如何？超欣鬼馬笑說：「未睇，啱啱先換咋。」隨即入場。
胞姊超盈說：「今晚個個都會着成咁，唔知原來啲細路鍾意GaGa。」她透露除了為超欣慶生，也是farewellparty，她說：「佢暑假之後會去英國讀書，好耐唔會喺香港慶祝生日，所以特登幫佢搞個大啲party，同啲同學仔一齊玩。」至於賭王因為怕嘈沒有出席，但前日父女已經在Cova嘆下午茶慶祝。
超盈又透露賭王非常捨不得超欣出國，自己則會陪妹妹小住一陣適應，但慶幸猷君、猷亨都在附近上學，可以照顧。
自小已獨立
問到可擔心只得11歲的超欣到時不適應？超盈說：「都差唔多啦，我哋個個都係呢個年紀出去讀書，佢由細到大都好獨立。」
採訪、攝影：JessicaNgan