花旗股市上禮拜五雖然唔係升好多，但係港股就食住上日嘅升勢，再炒高179點收市，報收20051，重上20000關，不過大市成交好奀，如果成交唔大幅增加，恒指要再上高啲會有難度。
明日係端午節假期，今日大市嘅成交應該唔會有大變，不過噚日好多股仔都郁，暫時都會係炒個別嘅格局。
中交建C輪20792：中交建（1800）噚日報收7.10元，升2.9%。股價早排喺6元見底回升，噚日貼近100日線，破位睇8元，可以諗吓隻C輪20792。隻輪現價10.2仙，2011年2月17日到期，行使價7.18元，溢價15.5%，引伸波幅44.7%，有效槓桿率3.9倍，正股升上8元，20792睇15.8仙，正股跌穿6.70元就沽咗隻輪。
俊樺