煲呔日錨夜錨，周街拋錨，差不多全香港嘅燈柱，都貼滿「起錨」標語，點知拋得錨多終觸礁，亂貼標語攞嚟瘀。喺金鐘附近嘅一張「起錨」poster，咁啱貼正喺一幅警隊宣傳大橫額前面。駕駛人士揸車經過，發覺錯有錯着，因為視覺效果上變成「起錨等同魔鬼將你一生盡毀」。
公民黨毛孟靜發現到呢個有趣場面，將張相放咗上facebook，話呢張相"Laughdieyou"（玩港式英語：笑死你）。
比起早前五區公投，政府將啲補選橫額掛喺將軍澳地鐵站附近嘅石屎同欄杆之間，博大霧等途人睇唔到，今次咁公開講出事實真相，兩種態度真係天淵之別。