今屆15名候選港姐昨日到尖沙嘴1881溥儀揀眼鏡，組合JellyGirls前成員、2號張莉莎被指曾整容和隆胸，她否認說：「冇可能，點寫都唔會影響到我，到時睇泳衣環節大家會見到。我冇諗過澄清，要寫嘅會keep住寫，我都冇辦法。」
文凱玲只認箍牙
4號文凱玲也被指是整容佳麗，對於其03年拍攝的照片跟現在的樣貌截然不同，她說：「係角度問題，係當年學校攝影學會影嘅，總之我冇唔開心，我都冇整過，係家有箍牙。」
此外，昨日有讀者電郵爆料指15號張秀文曾經在耀安村有一名叫陳曉傑的男友，並指該男友是張母雀友的兒子，也住在耀安村，是街童一名。又指張秀文多年來均住在男友家，後來分手，張秀文便到酒吧打工，張秀文的父母現於地盤做雜工。
採訪：楊潔雯
攝影：陳俊強
若讀者知道今屆入圍港姐的底細，歡迎電郵至mailto:[email protected]報料。