網上搜索關鍵字：童顏巨乳、40吋胸肌、朱古力腹肌，得出一個25歲的羅仲謙。標致五官加上完美身材，有朋友說：「嘩！好似Tanned咗嘅大衞像。」形容得甚為貼切，不過與赤裸的David不同，謙仔還有一條泳褲做最後防線。今個夏天，示範水着，除他以外應該不作他人選。
記者：吳允冲
攝影：譚盈傑
MakeUp：LeoTam@AnnieGChan
Hair：KenjiNg@ILCOLPO（GrandHyatt）
筋肉王子
「晒命」，孤芳自賞潛意識自戀；「表演」，主角自信心爆棚表現自己之餘亦有大量圍觀者樂意欣賞，羅仲謙必然是後者，「羅仲謙着泳褲」的消息一傳出，本人不停收到女同事查詢，差點要控制人潮賣飛入場。又難怪，自吳彥祖以後，港產肌肉王子之位後繼無人。在《搜下留情》爆肌打泰拳，羅仲謙的孩子臉與40吋胸肌從此成功入屋，成為今夏唯一男性代表，以一敵眾打低一班o靚模。明知有本錢不怕晒，謙仔亦樂意把握每次機會Show肌肉，赤膊過後，叫佢笠件Tee上身，他笑笑口：「哎呀！無得晒㖭！」自我感覺良好，聽起來又不覺晒命，男人恨得牙癢，女人恨得心癢。
爆肌救生員
打拳、健身以外，謙仔亦愛踢波曬太陽，「膚色黑啲好似旺自己呀！所以一直Keep住曬，一星期起碼曬兩、三次。」名副其實是個陽光男孩，原來他成為演員之前，更是個救生員，「我游水都唔算叻，但係四式都識，大概都救過4、50人！」連潛水也精通，一考便成功取得潛水教練牌，雖然潛水教練最後當不成，卻愛上了潛水，「喺水底我有好多啟發，我覺得人好渺小，而且水底好寧靜，潛水可以將壓力抒發出來。」
三角預告
將視線從上半身移至下半身，今回找來謙仔示範Speedo和arena的泳裝，面對平腳、三角泳褲和滑水褲，謙仔只肯穿着長及膝的「保守型」鬆身滑水褲上陣，不過他透露其實自己暗地裏是「鮮艷型」，「沙灘褲我鍾意顏色鮮艷嘅！」對Colourful的日版Speedo星星貼身潛水褲情有獨鍾，不過激凸造型未能公開，粉絲們惟有繼續期待。Speedo日本版超低腰三角，有無膽挑戰？「其實我以前做救生員有條超迷你三角，火紅色仲有火燄圖案，好勁o架！」講到明唔介意以三角褲示人，這回事先張揚的三角事件，何日上演，請拭目以待。
查詢：
arena（28314606）
Speedo（27304770）