擁有天使面孔魔鬼身材的廖碧兒，與Gucci的classicdangeroussexy風格相當配合，回想初入行時藝人找贊助不易，當年Gucci主動接觸她，令她受寵若驚，也造就她與Gucci長年的良好合作關係。談到手袋經，由於有感世事無常何不及時行樂，廖碧兒由初入行只會一年買一個手袋獎勵自己，到現在已坐擁近300個手袋輝煌存量。
廖碧兒幕前形象百變，一時是電視劇《談情說案》的火辣hotgal，又不介意演電影《72家租客》的醜女，真實的她擁有天使面孔魔鬼身材，絕對是carry性感靚衫的好人選。
盛讚DNA清晰
廖碧兒說：「就係因為我哋演嘅角色次次唔同，形象成日轉，都好明白啲品牌贊助我哋係一件幾risky嘅事，好好彩，出道唔算好耐Gucci已經主動接觸話要贊助我，當時真係覺得好榮幸，Gucci係一個有好清晰DNA、個性嘅名牌，做藝人一樣，都要個性好鮮明先至會令人留低深刻印象。」
Gucci的dangeroussexy風格，不是人人夠膽量甚至有條件去carry，廖碧兒說：「我嘅睇法係，性感唔等如暴露，都有好多藝人一聽見sexy就會sayno，我就唔太抗拒，既然呢個牌子嘅衫真係fit我身形氣質，點解唔着多啲？而且Gucci唔係淨係得sexygown，pantsuits都好型好glam。」
租倉存放手袋
談到手袋經，廖碧兒笑言是個慢很多拍的手袋黨，她說：「初入行時好慳，目標係買樓同埋照顧屋企人，一年只會買一個袋當獎勵自己，但近年心態變咗，世事無常咁多天災人禍，應該及時行樂，所以shopping次數密好多，未必次次係買畀自己，買嘢送畀自己愛錫嘅人一樣開心。
「家手袋總數有成300個，有啲要租個貨倉擺，因為好多係特別版甚至刻埋我個名，咁有紀念價值我一定會keep。」
極盡奢華
Gucci歷年來定出美麗江山除了靠冷艷、致命dangeroussexy外，近年的英氣boyish也令人印象深刻。
「現金牛」配飾方面，無人不曉、入Gucci門都曾擁有過的Bamboo、JackieO、BostonBag等數極都有，與承傳品牌的意式冷艷一樣，開初就是於配飾系列擔大旗的現任主帥FridaGiannini，沒有忽略Gucci這方面需要向前及擴展，店內林林總總的手袋，買不起看一下都感受到luxury的，就有以上各式鱷魚皮、鴕鳥皮和馬毛等做成的珍貴皮革手袋。
採訪：MichelleLeung
攝影：EdwardChou
化妝：RaymondYip
髮型：WardenLuk
