脫下性感比堅尼、抹去身上黑鬼油，鄭麗莎（Lisa）和大部份24歲女孩子一樣，睇足球，只為看球星。今年世盃，她會邊為在後備席打氣的碧咸捱更抵夜，一邊keep實S形身段。
記者/攝影：徐嘉華
早前在伊館奪得全港健美錦標賽5連冠的Lisa坦言，首次接觸足球是08年幫收費電視主持過數集歐國盃，碧咸是她第一個鍾意的球星。Lisa說：「我玩的運動一向個人化，如攀石、健體及跆拳道等，好少留意足球；直到在娛樂版看到碧咸夫婦的新聞，覺得男的帥女的型，又有溫馨家庭，自此留意他。」
「前陣子知道碧咸因傷踢不到今屆世盃，我立刻想起自己06年因練體操時斷了十字韌帶，足足休息了9個月才重返體壇；所以我好同情碧咸，他比我更糟是今次錯過了世盃，下屆他未必再有機會。」有過自己受傷及碧咸的經歷，將於年底加入演藝界的Lisa表示，在未來3個月會好好保護身體，以最佳狀態備戰9月的3項健體大賽，包括新加坡世錦賽及亞錦賽，以及江蘇國際邀請賽，來告別體壇。
捱夜睇波也要保S身形
從未追睇過世盃的Lisa，今屆在睇波之餘，亦會繼續一周7天、每天作3至5小時的健體訓練；Lisa坦言滿意現時35、26、36的S身形：「我不會因為睇波唔夠瞓而少了訓練，那不值得；凌晨睇波時，我建議吃番茄或生果，以免世盃後暴肥。」
除碧咸外，Lisa還追捧費蘭度托利斯（F托）及基斯坦奴朗拿度（C朗），因為都是靚仔；Lisa說：「他們各有各靚，碧咸做了爸爸後還是一樣型，C朗靚得來花弗、F托是專一的靚。」
Lisa小檔案
年齡：24歲
身高：1米73
體重：58公斤
職業：健身教練、健體運動員
威水史
＊06-10年全港健美錦標賽5連冠（健體小姐）
＊09曼谷亞錦賽1亞（健身小姐）1季（健體小姐）