歐元由低位反彈，上番1.2樓上，花旗股市借勢反彈，好多消息都被正面解讀，道指上禮拜五升破10200，今朝港股有望借勢上試20000關。
近日嘅大藍籌蠢蠢欲動，港股有機會重上20000企穩，農行就快上市，可以留意吓啲內銀股嘅表現，唔敢話一定大升，但係好大機會炒一轉。
大唐C輪22809：大唐發電（991）上日報收3.13元，升2.2%。
股價連升幾日，好有氣勢，升破3.38元，睇3.75元。可以諗吓隻C輪22809，隻輪現價59仙，2010年12月30日到期，行使價3.3元，溢價24.28%，引伸波幅70.51%，槓桿5.31倍（有效3倍），正股升上3.75元，22809睇98.5仙，正股跌穿2.9元就沽咗隻輪。
俊樺