「白花油王子」顏福偉非禮的士司機罪成後曾透露患上人群恐懼症，昨日走出陰霾，於護老活動再度跳舞高歌，十分陶醉。福仔表示愛以唱歌減壓：「之前對住咁多人好辛苦，會呼吸唔到。」此外，他透露現在出外會有司機接送，因始終未能再搭的士。不過閒時他會夥志雲一同去放生。
「白花油王子」顏福偉，官恩娜及岑潔儀等人昨日齊齊現身九龍灣展貿中心，推廣防止虐待長者活動。自非禮的士司機罪成後變得低調的福仔，更上台大唱三首金曲，當中包括他的飲歌《愛多八十年》，面對過百長者圍觀仍神態自若，更high到落台與長者握手。
司機兩更接送
問他是否已克服人群恐懼症，他表示：「冇乜特別，多人都唔鍾意，不過得閒就嚟，呢個場又有波睇（指世界盃轉播），自己都有出街睇波，同啲朋友去酒吧睇，對住好多人無以前咁辛苦，之前會呼吸唔到。」
福仔透露現時由司機每日兩更接送，問到他會否再搭的士，他表示：「唔會。」記者再問到當年罪成判180小時社會服務令的進度，他亦迴避：「兩年前，好耐呀，唔好再講。」他表示未有再出碟計劃，問到他會愛以唱歌減壓，他直認：「係囉，自己想唱就唱，出碟唔係好熱衷。」
此外，福仔透露近日曾和陳志雲聯絡：「之前佢都有叫我去做義工搞的活動，自己忙去唔到，不過都會傾吓偈，佢都好開心。」問他會否邀請志雲做管理層，他表示：「冇傾，不過自己有時同王喜去放生，佢都會搭單。」
採訪，攝影：歐陽慧恩
