曹永廉噚日去到將軍澳為世界盃活動「親子BB啦啦隊大比拼」做嘉賓。曹永廉早前去過南非拍嘢，佢話：「嗰次逗留咗10日，當地人好熱情，我好慶幸冇遇劫。」阿廉話當地導遊有同佢哋講，南非某啲地方係唔去得，話嗰度嘅劫匪打劫通常都係收到風然後有預謀行事，佢估計今次因為世界盃多遊客，賊匪先至咁猖獗喎！