周麗淇（Niki）同周國賢噚日齊齊到荃灣，為老闆羅傑承球隊南華四連霸祝捷會撐場，Niki話平時好少睇足球，但世界盃都會湊熱鬧睇吓，仲話如果第日男友係球迷，自己都會投其所好學睇波。周國賢話近日忙搬屋：「屋企地方唔夠住，要同太太分房瞓照顧小朋友，搬大啲地方就唔使分房瞓，但唔會再搞出人命！三個小朋友已經好吃力。」